కమలమ్మ కమతం

సిరులు పండే మాగాణి, మెట్ట వందల ఎకరాలు కలిగి ఉన్న కమలమ్మ మంచి వయసులో ఉంటుంది. అయితే ఆమె వితంతువు. పాలేరు రాముడు ఆమెకు కొండంత అండగా ఉంటాడు. ఆ ఊరి మునసబు, ప్రెసిడెంటు, పూజారి కమలమ్మపైనా, ఆమె కమతంపైనా కన్నువేస్తారు. కమలమ్మ అన్నను తమవైపు తిప్పుకుంటారు. అయితే కమలమ్మ తన తెలివితేటలతో ఆ త్రిమూర్తుల ఎత్తులను చిత్తు చేస్తూ వుంటుంది. అన్నను దూరంగా పంపించివేస్తుంది. అన్న గదిని శుభ్రం చేయించడానికి వెళ్ళినప్పుడు అక్కడ కనిపించిన బూతు పుస్తకాలు ఆమెకు వికారాన్ని కలిగిస్తాయి. తనను తల్లిగా చూసుకునే రాముడి మీద ఆమె దృష్టి పడుతుంది. రాముడికి అతని అక్క కూతురితో పెళ్లి అవుతుంది. ప్రెసిడెంటు మనుషులు కుప్ప తగలపెట్టినప్పుడు శరీరం కాలిన రాముడికి కమలమ్మ సపర్యలు చేయబోయి తన తప్పును తెలుసుకుంటుంది. ప్రెసిడెంటు, మునసబు, పూజారి వూరిలో వారందరికీ కమలమ్మకు, రాముడికి సంబంధం ఉందని ప్రచారం చేసి అందరినీ కమలమ్మ ఇంటి మీదకు దాడి చేయడానికి తీసుకువస్తారు. ఇంటి గదులన్నీ తాళాలు వేసి వుంటాయి. కమలమ్మ కనిపించడు. రాముడూ కనిపించడు.^[1]

• కృష్ణంరాజు - రాముడు
• జయంతి - కమలమ్మ
• పల్లవి - రాముని భార్య
• గిరిబాబు - ప్రెసిడెంటు
• వంకాయల సత్యనారాయణ - మునసబు
• అల్లు రామలింగయ్య - పూజారి
• విజయలలిత - పూజారి ప్రియురాలు
• నిర్మలమ్మ
• జయమాలిని

• కథ: సి.ఎస్.రావు
• దర్శకుడు: ప్రత్యగాత్మ
• సంగీత దర్శకుడు: చలపతిరావు
• ఛాయాగ్రహణం: సెల్వరాజ్
• నిర్మాత: ఎ.వి.సుబ్బారావు

• ఘంటసాల గళామృతము బ్లాగు - కొల్లూరి భాస్కరరావు, ఘంటసాల సంగీత కళాశాల, హైదరాబాద్ - (చల్లా సుబ్బారాయుడు సంకలనం ఆధారంగా)
• ఇంటర్నెట్ మూవీ డేటాబేసు లో కమలమ్మ కమతం