రామచంద్రపురం (కోనసీమ జిల్లా)

రామచంద్రపురం, ఆంధ్రప్రదేశ్ రాష్ట్రం, కోనసీమ జిల్లా, రామచంద్రపురం మండలానికి చెందిన పట్టణం, మండలకేంద్రం.

రామచంద్రపురం (కోనసీమ జిల్లా)
పట్టణం
రామచంద్రపురం (కోనసీమ జిల్లా)
Coordinates: 16°51′N 82°01′E / 16.85°N 82.02°E
దేశం	భారతదేశం
రాష్ట్రం	ఆంధ్రప్రదేశ్
జిల్లా	కోనసీమ జిల్లా
మండలం	రామచంద్రాపురం మండలం
విస్తీర్ణం [1]
• మొత్తం	13.98 కి.మీ2 (5.40 చ. మై)
జనాభా  (2011)[1]
• మొత్తం	43,657
• జనసాంద్రత	3,100/కి.మీ2 (8,100/చ. మై.)
జనగణాంకాలు
• లింగ నిష్పత్తి	1026
ప్రాంతపు కోడ్	+91 ( )
పిన్(PIN)	533255
Website

జిల్లా కేంద్రమైన కాకినాడ నుండి నైరుతి దిశలో 34 కి.మీ దూరంలో వుంది.

2011 భారత జనాభా గణాంకాల ప్రకారం జనాభా - మొత్తం 43,657.^[2]

రామచంద్రపురం పురపాలక సంఘం పట్టణ పరిపాలన నిర్వహిస్తుంది.

జొన్నాడ నుండి కాకినాడ మీదుగా వెళ్లే రహదారిపై వుంది.

రాయవరం మునసబుగా ప్రసిద్ధులైన ఉండవిల్లి సత్యనారాయణమూర్తి స్థాపించి, పెంపొందించిన వి.యస్.ఎమ్ కళాశాల నేడు పోస్టు గ్రాడ్యుయేట్ కేంద్రం స్థాయిలో సాగుతుంది. నూతనంగా ఇంజనీరింగ్ కళాశాల స్థాపించబడింది. కృత్తివెంటి పేర్రాజు పంతులు భూరి విరాళంతో వంద సంవత్సరాల కిందట స్థాపించిన పాఠశాల నేడు జూనియర్ కళాశాలగా, ఆచార్య రంగా వ్యవసాయ విశ్వవిద్యాలయం నిర్వహణలోని పాలిటెక్నిక్ కళాశాలగా రూపుదిద్దుకుంది.

• ఇంద్రగంటి శ్రీకాంత శర్మ: రామచంద్రపురంలో 1944 మే 29 న జన్మించాడు. కవి ఇంద్రగంటి హనుమచ్ఛాస్త్రి ఇతని తండ్రి కావడంతో చిన్ననాటి నుండే సాహిత్యవాతావరణంలో పెరిగి విద్యార్థి దశలోనే రచనావ్యాసంగం చేపట్టాడు.1976లో ఆకాశవాణి విజయవాడ కేంద్రంలొ అసిస్టెంట్ ఎడిటర్ (Scripts) గా శర్మ చేరాడు.
• జె.వి.రాఘవులు (జెట్టి వీర రాఘవులు): తెలుగు సినిమా సంగీత దర్శకుడు.

వరి, చెరుకు ప్రధాన పంటలు

80 సంవత్సరాల క్రితం ఇక్కడ ప్రారంభించిన ఆర్టోస్ శీతలపానీయాల పరిశ్రమ శీతలపానీయాల పరిశ్రమ, బీరు ఫాక్టరీగా అభివృద్ధి చెందింది. పట్టణంలో ఇంకా వున్న చిన్నతరహా పరిశ్రమలతో పాటు ప్రక్క గ్రామం చెల్లూరు లోని సర్వారాయ పంచదార కర్మాగారం ఈ ప్రాంతం పారిశ్రామికాభివృద్ధికి దోహద పడ్డాయి.

కాకర్లపూడి వంశానికి చెందిన కోట ఇక్కడి ప్రధాన ఆకర్షణ.ఈకోటలో అనేక సినిమాలను చిత్రీకరించారు.ఆ కోటలో ఇప్పటికీ వారి వంశస్థులు నివసిస్తున్నారు.^[3]

• రామచంద్రాపురం శాసనసభ నియోజకవర్గం