శ్రీకాంత్ అడ్డాల

శ్రీకాంత్ అడ్డాల తెలుగు సినిమా దర్శకుడు, పాటల రచయిత. అసోసియేట్ డైరెక్టర్‌గా చాలా సినిమాలకు పనిచేసిన శ్రీకాంత్ 2008లో వరుణ్ సందేశ్, శ్వేతా బసు ప్రసాద్ కలిసి నటించిన కొత్త బంగారు లోకం సినిమాకు తొలిసారిగా దర్శకత్వం వహించాడు.^[1] ఈ చిత్రం మంచి ఆదరణ పొందడమేకాకుండా, 2008 సంవత్సరంలో విజయవంతమైన చిత్రాలలలో ఒకటిగా నిలిచింది.

శ్రీకాంత్ అడ్డాల
శ్రీకాంత్ అడ్డాల (2014)
జననం	సెప్టెంబరు 19 రేలంగి, పశ్చిమ గోదావరి జిల్లా, ఆంధ్రప్రదేశ్
వృత్తి	దర్శకుడు, పాటల రచయిత
క్రియాశీల సంవత్సరాలు	2004-ప్రస్తుతం

శ్రీకాంత్ సెప్టెంబరు 19న పశ్చిమ గోదావరి జిల్లా, రేలంగి గ్రామంలో జన్మించాడు.

దర్శకుడు కాకమునుపు పలు చిత్రాలకు సహాయ దర్శకుడిగా పనిచేసాడు. ఆర్య 2, బొమ్మరిల్లు వాటిలో కొన్ని. ఇతని పనితీరు నచ్చిన నిర్మాత దిల్ రాజు ఇతనికి మొదటి అవకాశం ఇచ్చాడు. దిల్ రాజ్ సూచన మేరకు ఆరు నెలలపాటు కొత్త బంగారు లోకం సినిమా కథను తయారుచేశాడు.^[2] ఈ చిత్రం వివిధ విభాగాలలో నంది అవార్డులు, ఫిల్మ్‌ఫేర్ అవార్డులను గెలుచుకుంది. ఉత్తమ చిత్రం విభాగంలో ఫిల్మ్‌ఫేర్ అవార్డుకు నామినేట్ చేయబడింది. రెండు సంవత్సరాల తరువాత, సీతమ్మ వాకిట్లో సిరిమల్లె చెట్టు అనే మల్టీస్టారర్ చిత్ర కథను రాసుకున్నాడు. దిల్ రాజు నిర్మాతగా వెంకటేష్, మహేష్ బాబు నటించిన ఈ చిత్రం 2013, జనవరి 11న విడుదలై ప్రపంచవ్యాప్తంగా మంచి స్పందన అందుకుంది.^[3] 2014లో నాగబాబు కుమారుడు వరుణ్ తేజ్ హీరోగా, పూజా హెగ్డే హీరోయిన్ గా ముకుంద సినిమాను రూపొందించాడు. 2016, మే 16న ఇతని నాలుగవ చిత్రం బ్రహ్మోత్సవం విడుదలైంది. 2021లో ఇతని ఐదవచిత్రం నారప్ప విడుదలయింది.

• ఆర్య (2004)

• ఇంటర్నెట్ మూవీ డేటాబేసు లో శ్రీకాంత్ అడ్డాల పేజీ