Molina d'Aragón

Molina d'Aragón (Molina de Aragón en castellano) ye un municipio d'a provincia de Guadalachara, en a comarca d'a Sinyoría de Molina y comunidat autonoma de Castiella-La Mancha, Espanya. A suya población ye de 3.646 habitants (2010), en una superficie de 168,33 km².

Molina d'Aragón ye a capital d'o partiu chudicial d'o suyo nombre.

O termin municipal de Molina d'Aragón muga a lo norte con Rueda de la Sierra, a lo nord-este con Tortuera y Embit, a l'este con Campillo de Dueñas y La Yunta, a lo sureste con Castellar de la Muela, a lo sud con Prados Redondos, a lo surueste con Castilnuevo, a l'oeste con Corduente, y a lo norueste con Rillo de Gallo.

O 20 de marzo de 1838, mientres a Primera Guerra Carlista (Guerras Carlistas) tropas carlistas mandatas por o cheneral Juan Cabañero y Esponera redotan a la guarnición liberal de Molina d'Aragón.

Se i troba lo castiello de Molina d'Aragón, a on se i rodoron escenas exteriors d'a cinta Der Name der Rose (1986, Jean-Jacques Annaud).