Reino de Sicilia

O Reino de Sicilia (en latín Regnum Siciliae u Sicilie; en siciliano Regnu di Sicilia, en italiano Regno di Sicilia) estió un estato que esistió en o sud d'Italia dende a suya fundación por Rocher II en 1130 dica 1816. O reino de Sicilia s'estendillaba, antimás de por a isla de Sicilia, por tota la rechión d'o sud d'Italia y, dica 1530, por as islas de Malta y Gozo. A isla de Sicilia se trestallaba en tres rechions: Val de Mazzara, Val de Demona y Val de Noto.

A vegatas dito lo regnum Apuliae et Siciliae dica 1282, cuan a parti continental y a parti d'a isla se deseparoron politicament; dende allora se conoixeba como Reino de Nápols. Dimpués de 1302 le se dió tamién a vegatas o nombre de Reino de Trinacria. A sobén o rei de Sicilia yera monarca d'atro puesto como lo rei d'Aragón, o rei d'Espanya u l'emperador d'o Sacro Imperio Romano Chermanico. En 1816 o reino de Sicilia s'unió con o reino de Nápols ta formar o nuevo Reino d'as Dos Sicilias.

Conquiesto a los musulmans por os normandos, en 1194 pasó a depender d'os Hohenstaufen. Cuan iba a pasar a control francés esclató una revuelta nativa dita Viespras Sicilianas, que refusaban o control francés y quereban pasar a depender d'a Corona d'Aragón. Encomenzó una guerra entre Francia y Aragón en a que o Papato refirmaba a Francia. Producto d'esta guerra estió a división d'o Reino de Sicilia entre l'actual isla con o mesmo nombre, que s'adhibió a la Corona d'Aragón, y lo sud d'Italia, que tardó mes a adhibir-se-ie.

• Lista de reis de Sicilia y Nápols.