أوسلو

أوسلو ولاّ ؤصلو (بالنورڤيجية: Oslo) هي لعاصيما د النورڤيج وأكبر مدينة فيها. جات ف لجنوب الشرقي د لبلاد و تيسكنو فيها شويا كتر من 700.000 واحد. هي وحدا من أكبر لعواصم ف لعالم من جيهت التيساع، و فيها أكبر مرسا ديال النورڤيج.

تأسسات أوسلو ف جوايه لعام 1040، ولاّت عاصمة د لبلاد ف لقرن 14. حيت النورڤيج دخلات ف بزاف د لإتحادات و لبلدان من بعد، كانت لأهمية د أوسلو كاتزيد و تنقص على حساب لوقت، و لكن من 1905 و هي لعاصيما (كانت سميتها كريستيانيا، و لكن تبدّلات لأوسلو ف 1925).^[1]

واخا هي معزولة شويا و بعيدة، أوسلو معروفا بزاف ف لعالم حيت تنضمو فيها أحدات مهمة، بحال لمفاوضات د أوسلو ف 1993، اللي عتارفو فيها السلطة لفلسطينية و إسرائيل ببعضياتهم،^[2] و لبطولة د لعالم د السكي ف 2011.

أوسلو هي لمدينة اللي كاتّعطا فيها لجائزة د نوبل د السلام كل عام ف الشهر د دجنبر.