1778

Article Images

Si amiestes dalgún datu, pues siguir l'enllaz del día pa inxertar el datu ellí tamién. ¡Gracies!

1778 (MDCCLXXVIII) foi un añu común entamáu en martes del calendariu gregorianu, y un añu común entamáu en llunes del calendariu xulianu. Al entamu de 1778 el calendariu gregorianu diba once días per delantre del calendariu xulianu, que siguió siendo l'oficial en dellos países hasta 1923.

18 de xineru - Tercer viaxe de James Cook. El capitán Cook, colos barcos HMS Resolution y HMS Discovery, avista consecutivamente les islles d'Oahu y Kauai, nel archipiélagu pacíficu d'Hawaii, qu'elli denomó Sandwich Islands.
5 de febreru - Carolina del Sur conviértese nel primer estáu en ratificar los Artículos de la Confederación.
6 de febreru - Guerra d'Independencia de los Estaos Xuníos: Estaos Xuníos y Francia roblen, en París, los trataos d'alianza (Treaty of Alliance) y d'amistá y comerciu (Treaty of Amity and Commerce), lo que supón el reconocimientu del gobiernu francés de la nueva república.
6 de marzu - Dende esti día hasta'l 24 d'ochobre el capitán Cook esplora y cartografía la costa pacífica d'América del Norte, dende'l cabu Foulweather (Oregón) hasta l'estrechu de Bering.
10 de xunetu - Guerra anglo-francesa (1778-1783): Lluis XVI de Francia declara la guerra al reinu de Gran Bretaña.
28 de xunetu - Constitúise, na Casa de Xuntes de Puente San Miguel, la provincia de Cantabria.
3 d'agostu - Inaugúrase en Milán, col estrenu de la ópera d'Antonio Salieri Europa riconosciuta, el teatru de La Scala.
26 de payares
- El capitán James Cook desembarca na islla hawaiana de Maui, siendo'l primer européu en facelo.
- Nueva Jersey conviértese nel segundu estáu en ratificar los Artículos de la Confederacion.

25 de febreru - José de San Martín, militar y llibertador arxentín (m. 1850).
20 d'agostu - Bernardo O'Higgins, militar chilenu, xefe del estáu ente 1817 y 1823 (m. 1842).
22 d'ochobre - Francisco Javier de Burgos, periodista, traductor, dramaturgu y políticu español (m. 1849).
1 de payares - Gustavu IV Adolfu, rei de Suecia (m. 1837).
6 d'avientu - Louis Joseph Gay-Lussac, químicu y físicu francés (m. 1850).
9 d'avientu – Vicente González Moreno, xeneral carlista español (m. 1839).