Сеўск

Сеўск — места ў Бранскай вобласьці Расеі, на рацэ Сеў. Адміністрацыйны цэнтар Сеўскага раёну. Насельніцтва на 2018 год — 6663 чалавекі.

Знаходзіцца за 149 км ад Бранску, за 43 км ад чыгуначнай станцыі Камарычы на лініі Бранск — Льгоў.

• 1146: першыя згадкі ў Ўваскрасенскім і Іпацьеўскім летапісах, вядомы як паселішча Севсько Чарнігаўска-Северскага княства.
• 1356: увайшоў у склад Вялікага Княства Літоўскага.
• 1585: захоплены Масковіяй, пасьля чаго зраіўся адной з найважнейшых паўднёвых фартэцыяў.
• пачатак XVII стагодзьдзя: жыхары Сеўску выступілі на баку Дзьмітрыя Самазванца.
• 1618: згодна з умовамі Дэвулінскага замірэньня застаўся за Масковіяй.

• 1634: вытрымаў аблогу войскамі Рэчы Паспалітай.
• 1654: цэнтар Сеўскага палку.
• 1686: распачала працу Сеўская мынца.
• 1708: у Кіеўскай губэрні, а ад 1727 у Белгарадзкай губэрні.
• 1778: атрымаў статус места.
• 1796: цэнтар павету Арлоўскай губэрні.
• 1909: у месьце акдрылася вучэльня.
• 1941—1943: знаходзіўся пад нямецкай акупацыяй.
• 1944: у Бранскай вобласьці.

• XVII стагодзьдзе: 1625 год — 0,5 тыс. чал.
• XVIII стагодзьдзе: 1711 год — 8,3 тыс. чал.
• XIX стагодзьдзе: 1871 год — 7733 тыс. чал., у т. л. 35 каталікоў, 8 пратэстантаў, 62 юдаісты, 3 магамэтаніны.^[1]; 1897 год — 9,2 тыс. чал.
• XX стагодзьдзе: 1959 год — 6,2 тыс. чал.; 1979 год — 7,5 тыс. чал.; 1996 год — 8,1 тыс. чал.
• XXI стагодзьдзе: 2009 год — 7,5 тыс. чал.

Філія Маскоўскага станкабудаўнічага заводу ім. С. Арджанікідзэ, завод па апрацоўцы пянькі, прадпрыемствы харчовай прамысловасьці.

Цэрквы: Узьнясенская (1765), Петрапаўлаўская (1809), Казанская (1760). Званіцы Ўсьпенскага (1811) і Траецкага (1782) сабораў. Жылыя дамы другой паловы XIX ст.

Поруч зь Сеўскам — Спаса-Праабражэнскі манастыр (заснаваны ў 1631 годзе як фартэцыя на подступах да Сеўску).

• Іван Пятроўскі (1901—1973) — матэматык, рэктар МДУ

• Siewsk // Słownik geograficzny Królestwa Polskiego i innych krajów słowiańskich. Tom X: Rukszenice — Sochaczew. — Warszawa, 1889. S. 604

  Сеўск — сховішча мультымэдыйных матэрыялаў

• Мескі сайт (рас.)