Kralupy nad Vltavou

Kralupy nad Vltavou (germane Kralup an der Moldau) estas urbo en Ĉeĥio, en distrikto Mělník, situanta ĉe la rivero Vultavo kaj 20 km malproksime de la ĉefurbo Prago, ĉe grava fervoja linio inter Prago kaj Ústí nad Labem. Vivas ĉi tie 18 782 loĝantoj (2024).

Kralupy nad Vltavou
germane Kralup an der Moldau
urbo
Kralupy nad Vltavou, vido de Hostibejk
Flago Blazono
Oficiala nomo: Kralupy nad Vltavou
Ŝtato	Ĉeĥio
Regiono	Mezbohemia regiono
Distrikto	Distrikto Mělník
Administra municipo	Kralupy nad Vltavou
Historia regiono	Bohemio
Roko	Lobečská skála
Naturmemorindaĵo	Hostibejk
Rivero	Vltava
Situo	Kralupy nad Vltavou
- alteco	176 m s. m.
- koordinatoj	50° 14′ 27″ N 14° 18′ 24″ O / 50.24083 °N, 14.30667 °O (mapo)
Areo	21,9 km² (2 190 ha)
Loĝantaro	18 782 (2024)
Denseco	857,63 loĝ./km²
Tabuloj	Malsupraohara tabulo, Mezelba tabulo
Unua skribmencio	1253
Urbestro	Petr Holeček[1]
Horzono	MET (UTC+1)
- somera tempo	MET (UTC+2)
Poŝtkodo	190 32 ĝis 278 01
NUTS 3	CZ020
NUTS 4	CZ0206
NUTS 5	CZ0206 534951
Katastraj teritorioj	6
Partoj de urbo	5
Bazaj setlejunuoj	30
Situo enkadre de Ĉeĥio
Vikimedia Komunejo: Kralupy nad Vltavou
Retpaĝo: www.mestokralupy.cz
Portalo pri Ĉeĥio

La najbaraj municipoj de la setlejo estas Dolany nad Vltavou, Olovnice, Nelahozeves, Veltrusy, Otvovice, Velvary, Holubice (distrikto Prago-okcidento) kaj Chvatěruby.

La unua skriba mencio estas de la jaro 1253^[2]. En la jaro 1881 estis Kralupy per imperiestra decido promociita al urbeto. La 1-an de junio 1884 Kralupy ricevis blazonon. Tiu ĉi blazono ne ŝanĝiĝis post promocio al urbo en la jaro 1902. Post la fondiĝo de Ĉeĥoslovakio en 1918 estis el ĝi forigita monogramo de la imperiestro Francisko Jozefo la 1-a^[3]. Je la 22-a de aprilo 2002 Kralupy ricevis flagon.^[3]

Evoluo de nombro de loĝantoj

La datoj devenas el datumbazo de Vikidatumoj

La preĝejo, konsekrita al la Ĉieliro de Maria kaj al sankta Venceslao, estis konstruita en la jaroj 1894-1895 laŭ planoj de arkitekto Kaura, kiuj estis plu prilaboritaj de arĥitekto Živný. Temas pri novgotika preĝejo. Ĝi estas la plej granda konstruaĵo en Kralupy, ĝia turo estas 63 metrojn alta^[4].

La ponto, nomita laŭ la unua ĉeĥoslovaka prezidento Tomáš Garrigue Masaryk, estis konstruata ekde la 4-a de februaro 1926 ĝis la 21-a de oktobro 1928, kiam ĝi solene estis malfermita por trafiko. La ponton projektis Ing. Dr. techn. Jarolim Farský, arkitekte zorgis arĉ. ing. Jiří Kroh. La ponto longas 200 metrojn.

Vizitinda estas vilaĝo Nelahozeves, kie naskiĝis Antonín Dvořák (laŭ li ankaŭ nomiĝas mezlernejo en Kralupy).

Kralupy nad Vltavou havas ĝemelajn rilatojn kun sekvaj urboj^[5]:

•   Ikast en Danio
•   Banyuls sur Mer en Francio
•   Hennigsdorf en Germanio
•   Šabac en Serbio
•   Komárno en Slovakio

Tra Kralupy nad Vltavou kondukas ĉefa fervoja vojo de Prago al Děčín numero 090. Krom EuroCity kaj noktaj trajnoj ĉi tie haltas ĉiuj rapidtrajnoj kaj personaj trajnoj. De Kralupy nad Vltavou kondukas ankaŭ linio numero 110 al Slaný ĝis Louny kaj linio numero 092 al Neratovice kaj linio numero 111 al Velvary.

En Kralupy nad Vltavou okazis en la 16-a de majo 2010 solena festo de 5-a datreveno de la refondiĝo de la Ĉeĥa Esperanto-Junularo.