Nekazaritza estentsibo
Contributors to Wikimedia projects
Lur-eremu zabaletan eta azalera-unitateko lan gutxi eginez eta beraz etekin gutxi lortuz burututako produkzio-sistema
Nekazaritza estentsiboa lan eta teknologia gutxi erabiliz egiten den nekazaritza mota da. Lurra da nekazaritza mota horretan ekoizpen-faktore nagusia, eta horrela nekazaritza ekoizpena lur sailaren berezko emankortasunaren eta bertako klimaren mende dago neurri handi batean. Hau dela eta, ekoizpenak oso aldakorrak izaten dira nekazaritza estentsiboan urte batetik bestera. Bestalde, nekazaritza intentsiboaren aldean produktibitate txikiagoko nekazaritza da (hau da, hektareako errendimendu txikiagoa du), ekoizpen bera lortzeko intentsiboan baino lur eremu askoz handiagoa behar baita.