Xi Chuan

Liña 25: Liña 25:

== Notas ==

== Notas ==

{{Listaref}}{{Control de autoridades}}

{{Listaref}}

== Véxase tamén ==

=== Ligazóns externas ===

* [https://dtieao.uab.cat/txicc/lite/autores/Xi-Chuan/ 西川] (La literatura china traducida en España)

{{Control de autoridades}}

[[Categoría:Nados en 1963]]

[[Categoría:Nados en 1963]]

[[Categoría:Escritores en lingua chinesa]]

[[Categoría:Escritores en lingua chinesa]]

Xi Chuan (chinés simplificado: 西川; pinyin: Xī Chuān), pseudónimo de Liu Jun (chinés simplificado: 刘军; pinyin: Liú Jūn), nado en Xuzhou no 1963, é un poeta, ensaísta e tradutor chinés.^[1][2] É considerado un dos autores máis influentes da poesía chinesa contemporánea.^[2][3] Ademais de poesía, publicou dous volumes de ensaios, un libro de crítica literaria, unha obra de teatro e traducións de escritores como Pound, Borges ou Miłosz.^[4]

Traxectoria

Xi Chuan naceu en Xuzhou, na provincia de Jiangsu, mais medrou en Beijing.^[5] Alí, estudou nunha escola de linguas estranxeiras para diplomáticos.^[5] Despois, matriculouse na Universidade de Beijing, onde se graduou en Lingua Inglesa.^[5] A súa tese de fin de carreira versou sobre as traducións da poesía chinesa realizadas por Ezra Pound.^[5] Foi nesta época que adoptou o seu pseudónimo, Xi Chuan (literalmente, "río do oeste").^[5] Traballou como editor das revistas Huangqiu ("O globo") e Qingxiang ("Tendencia"), da que foi fundador.^[6][7] Este último foi un magazine literario independente que se publicou entre o 1988 e o 1992, cando foi clausurado polas autoridades, tras só tres números.^[7] Entre o 1990 e o 1995, foi un dos editores da revista Modern Han Poetry ("Poesía han moderna").^[7] Tamén actuou na película Zhantai 站台 ("Plataforma", 2000), de Jia Zhangke.^[6]

Xi Chuan gañou fama durante o período de liberalización económica de finais dos oitenta, co movemento dos Poetas da Brétema.^[3] No 1989, faleceron dous dos seus amigos máis próximos, tamén poetas e estudantes da Universidade de Beijing.^[6] Hai Zi suicidouse o 26 de marzo, aos vinte e cinco anos de idade; Luo Yihe morreu dunha hemorraxia cerebral o 31 de maio, aos vinte e oito.^[6] Esta perda, xunto co fracaso das protestas da praza Tian'anmen, levouno a deixar de escribir durante dous anos.^[3][5] O parón converteu o seu verso, condensado e lírico, no que se mesturaban influencias do modernismo occidental coa tradición clásica chinesa, nunha sorte de prosa meditabunda, moi afastada do seu anterior esteticismo e musicalidade.^[3]

Na actualidade, Xi Chuan é profesor de literatura chinesa clásica e contemporánea na Academia Central de Belas Artes de Beijing.^[1][2] Xa tiña ensinado literatura occidental e inglés.^[5] Foi profesor invitado en universidades estranxeiras, como a Universidade de Nova York ou a Universidade de Victoria.^[4] Gañou premios en varios países, incluido un galardón da UNESCO.^[6]

Premios

• Premio de poesía chinesa moderna (1994).^[1][2]
• Premio Lu Xun de literatura (2001).^[1][2]
• Premio Zhuang Zhongwen de literatura (2003).^[1][2]

Obra

• Zhongguo de meigui 中国的玫瑰 ("Rosas chinesas", 1991).
• Xugou de jiapu 虚构的家谱 ("Xenealoxía ficticia", 1997).
• Yinmi de huihe 隐秘的汇合 ("Converxencia secreta", 1997).
• Dayi ruci 大意如此 ("Máis ou menos", 1997).
• Xi Chuan de shi 西川的诗 ("A poesía de Xi Chuan", 1999).
• Shenqian 深浅 ("O fondo e o superficial", 2006).
• Geren haowu 个人好恶 ("Preferencias persoais", 2008).

Notas

Véxase tamén

Ligazóns externas

• 西川 (La literatura china traducida en España)