Durante la tormenta
Colaboradores dos proxectos da Wikimedia
Article Imagesfilme de 2018 dirixido por Oriol Paulo
Durante la tormenta é un filme español de misterio e drama de 2018 dirixido e coescrito por Oriol Paulo[1] e protagonizada por Adriana Ugarte e Chino Darín. A súa duración é de 128 minutos e o súa lingua orixinal é a castelá. A súa data de estrea foi o 13 de novembro do 2018[2] en España, e internacionalmente a través de Netflix o 22 de marzo de 2019.[3][4] Este filme está presente nos Premios Goya de 2019.[5]
Durante la tormenta | |
---|---|
Ficha técnica | |
Título orixinal | Durante la tormenta |
Director | Oriol Paulo |
Produtor | Mercedes Gamero Mikel Lejarza Eneko Lizarraga Jesús Ulled Nadal |
Guión | Oriol Paulo Lara Sendim |
Intérpretes | |
Música | Fernando Velázquez |
Fotografía | Xavi Giménez |
Montaxe | Jaume Martí |
Estudio | Atresmedia Cine Colosé Producciones Mirage Studio Think Studio |
Distribuidora | Warner Bros. Pictures (España) (cinemas) Netflix |
Estrea | 13 de novembro de 2018 |
Duración | 128 minutos |
Orixe | España |
Xénero | Misterio e drama |
Na rede | |
Unha misteriosa interferencia entre dous tempos provoca que Vera, unha nai felizmente casada, salve a vida dun rapaz que viviu na súa casa 25 anos antes. Pero as consecuencias da súa boa acción dá lugar a unha reacción en cadea que provoca unha nova realidade onde a súa filla nunca nacera.
A noite da caída do muro de Berlín, Nico quedara só na súa casa, tras ter despedido á súa nai rumbo ao traballo. O rapaz tiña o propósito de usar a videocámara e o televisor para gravar as súas covers musicais e así poder conseguir ser unha grande estrela do rock. Pero, mentres o facía, Nico escoita ruídos provenientes da casa dos seus veciños (Ángel e Hilda) e o rapaz decide marchar da súa casa para ver que sucede, e é cando descobre o cadáver de Hilda. Nico escapa moi asustado tras ser sorprendido por Ángel e ao final unhaambulancia bate nel. O sentimento de culpa de Ángel ou as indagacións da policía fixeron que este confesase que el matara á súa esposa. Esta é a Liña do Tempo 1, na que Nico morre, Ángel vai á cadea, Vera é enfermeira e ten a Gloria (a súa filla).
A pesar de estaren separados por 20 anos de diferenza, a calidade única da tormenta permitiu que as ondas electromagnéticas xeradas tanto en 1989 como en 2009 se cruzasen permitindo unha comunicación efectiva entre Nico e Vera a través dun aparato como un televisor. Aquí se crea unha segunda liña do tempo: a Liña do Tempo 2, onde os feitos que vimos na Liña do Tempo 1 modifícanse: Ángel está libre, Vera é neurocirurxiá, Gloria non existe e Nico non morrera e obsesionouse con coñecer á muller do futuro, tendo como pista tan só a estación de Valpineda. Cando a viu decidiu ocupar o lugar fronte ela no tren, evitando o seu encontro inicial con Aitor, o seu marido na Liña do Tempo 1.
Vera logra evitar que Nico vaia á casa de Ángel e, ao saír da rúa, evita ser arrollado pola ambulancia. Nico, inicialmente cre que soñara terse comunicado con ela, a muller do futuro, que vive na súa mesma casa. Pero logo comproba que ela dixera a verdade, cando un raio cae na súa escola e as clases son suspendidas. Nico intenta comunicarse con Vera novamente pero resúltalle imposible e, eventualmente, decide botar unha ollada á casa de Ángel. Ao entrar, observa que Hilda non marchara a ningún lado, senón que está morta e logo ve como Ángel corta o seu cadáver en pedazos para metelo nunha maleta. Nico escóndese debaixo dunha cama para non ser sorprendido por Ángel e termina encontrando un reloxo de ouro.
Ao final do filme chegamos á Liña do Tempo 3, que se parece moito á Liña do Tempo 1, pero con algunhas diferenzas: Nico segue vivo, Ángel está libre e casara con Clara e criou a Aitor e nunca soubo que sucedeu con Hilda Weiss.
- Adriana Ugarte como Vera Roy.
- Chino Darín como Inspector Leyra.
- Álvaro Morte como David Ortiz.
- Javier Gutiérrez como Ángel Prieto.
- Miquel Fernández como Aitor Medina.
- Marco de Francisco como Aitor Medina (neno).
- Nora Navas como Clara Medina.
- Julio Bohigas-Couto como Nico Lasarte.
- Mima Riera como María Lasarte.
- Francesc Orella como Doutor Fell.
- Albert Pérez como Román.
- Clara Segura como Hilda Weiss.
- Silvia Alonso como Mónica.
- Aina Clotet como Úrsula.
- Ana Wagener como Inspectora Dimas.
- Ruth Llopis como Profesora Miranda.
- Belén Rueda como Dra. Sardón.
A historia ten lugar en Barcelona[6], España, en dous puntos cronolóxicos separados por 20 anos, o primeiro, cuxo protagonista é Nico Lasarte, empezando o día que caeu o muro de Berlín, o 9 de novembro de 1989; e, o segundo, cuxa protagonista é Vera Roy, empezando o 9 de novembro de 2009.
- ↑ "Oriol Paulo dirige 'Durante la tormenta': "No hay nada más grande en el mundo que el amor de una madre"". www.culturaocio.com (en castelán). Europa Press. 2018-11-28. Consultado o 2019-05-06.
- ↑ SensaCine. "Durante la tormenta" (en castelán). Consultado o 2019-05-06.
- ↑ "Mirage". Netflix. Consultado o 8 de xuño de 2019.
- ↑ Radulovic, Petrana (20 de febreiro de 2019). "Every movie and show coming to Netflix in March". Polygon. Consultado o 10 de xuño de 2019.
- ↑ "Durante la tormenta » Premios Goya 2019". premiosgoya.com (en castelán). Consultado o 2019-05-06.
- ↑ "7 curiosidades de 'Durante la tormenta'". entretenimiento.facilisimo.com. Consultado o 2019-05-06.
- Durante la tormenta na IMDb (en inglés).
- Ficha en RottenTomatoes (en inglés)