Article Images
guerrilleiro antifranquista galego
José Miguel Galán Núñez, coñecido como Dereito ou Miguel, nado en Alvedro (Almeiras, Culleredo) e finado en Visantoña (Mesía) o 2 de xuño de 1952, foi un guerrilleiro antifranquista galego.
| Biografía | |
|---|---|
| Nacemento | valor descoñecido  Alvedro, España |
| Morte | 2 de xuño de 1952 Visantoña, España |
| Causa da morte | morte en combate, ferida por arma de fogo |
| Lugar de sepultura | Visantoña (–2024) |
| Datos persoais | |
| Outros nomes | Dereito Miguel |
| País de nacionalidade | España |
| Actividade | |
| Ocupación | maquis |
| Lingua | Lingua galega |
| Carreira militar | |
| Conflito | Guerra civil española |
Estaba facendo o servizo militar en Lugo. Cando lle faltaban tres meses para licenciarse, desertou. Pertenceu ao grupo de Benigno Andrade García. Participou na sanción económica a Marcial Patiño Patiño de Tarrío (Culleredo) o 13 de outubro de 1949. Foi abatido en Visantoña (Mesía) o 2 de xuño de 1952 con Manuel Ramiro Souto cando a Garda Civil rodeou a casa onde estaban agochados; o outro compoñente da partida, Juan Couto Sanjurjo, foi detido.[1] Soterrárono xunto á igrexa de Visantoña, e en 2024 exhumáronse os seus restos.[2]
- ↑ La Voz de Galicia, 25-6-1952, p. 3.
- ↑ David Reinero (20 de agosto de 2024). "Comeza en Visantoña, Mesía, a exhumación de dous guerrilleiros caídos en 1952". Praza Pública.
- Lamela, Luís (2023). A loita dos perdedores. Razón e xénese da guerrilla antifranquista en Galicia. Santiago de Compostela: Laiovento. pp. 207–212. ISBN 978-84-8487-635-9.
- Martínez, Lupe (2007). Coa man armada. "Ejercito Guerrillero de Galicia" -IV Agrupación- 1946 - 1948. Vigo: A Nosa Terra. ISBN 978-84-8341-166-7.