Article Images
A Saga de Erik o Roxo (nórdico antigo: Eiríks saga rauða) é unha obra literaria en prosa que narra as aventuras dun grupo de viquingos que colonizaron Groenlandia, Marklandia e Vinlandia.
| Saga de Erik o Roxo | |
|---|---|
 | |
| Lingua | nórdico antigo |
| Xénero(s) | Saga |
| Primeira edición galega | |
| Editorial | Rinoceronte Editora |
| Data de pub. | 2010 |
| Páxinas | 93 |
| Na rede | |
 | |
| [ editar datos en Wikidata ] | |
Esta é unha das sagas islandesas do século XIII, de autor anónimo. Consérvanse dúas versións diferentes en senllos manuscritos: o Hauksbók (século XIV) e mais o Skálholtsbók (século XV).
Foi editada en galego por Rinoceronte Editora, cunha tradución de Elías Portela.[1]
Este é un dos rexistros e fontes utilizados polos investigadores para estudar o posíbel contacto entre Europa e América no ano 1000, uns cinco séculos antes da chegada de Cristovo Colón.
En esencia, a Saga de Erik o Roxo relata os mesmos acontecementos que a Saga dos Groenlandeses: Uns viquingos de orixe norueguesa, entre eles Erik o Roxo, parten desde Islandia e descobren Groenlandia, a cal colonizan. Máis tarde, Leif Eriksson diríxese máis ao oeste e establécese na terra que denominan Vinland (Terra do Viño), pero os ataques de indíxenas e outras dificultades obrígaos a retirárense, ao cabo duns anos.
- ↑ "Saga dos Groenlandeses. Saga de Erik o Roxo - Rinoceronte Editora - LG3 - O soportal da Literatura Galega". culturagalega.org (en castelán). Consultado o 2024-08-21.