Դրագանա Կրշենկովիչ Բրկովիչ

Դրագանա Կրշենկովիչ Բրկովիչ (չեռնոգորերեն՝ Dragana Kršenković Brković, սերբական կիրիլիցա՝ Драгана Кршенковић Брковић. 1956^[1]), չեռնոգորիացի արձակագիր, թատերագիր, սցենարիստ։

Դրագանա Կրշենկովիչ Բրկովիչ
Ծնվել է	1956
Մասնագիտություն	մանկագիր, գրող և սցենարիստ
Քաղաքացիություն	Չեռնոգորիա
Կրթություն	Բելգրադի համալսարան
Կայք	draganakb.me

Ծնվել է 1956 թվականին։ Ավարտել է Բելգրադի համալսարանի քաղաքագիտության և դրամատիկական արվեստների ֆակուլտետները։ 1981 թվականին նրա «Vrele kapi» պիեսը, որը գրել էր համալսարանի դրամատիկական արվեստների ֆակուլտետի ընդունելության քննության համար, ներկայացվել է Բելգրադի հեռուստատեսությամբ^[2]։ Հարավսլավական պատերազմների սկզբում ամուսնու՝ Տոմիսլավ Բերկովիչի հետ Բելգրադից տեղափոխվել է Պոդգորիցա, որտեղ հիմնել է «Կապույտ ծովախորշ» տիկնիկային թատրոնը։ Ֆուլբրայթի հիմնադրամի կրթաթոշակին արժանանալու շնորհիվ 2005-2006 թվականերն անց է կացրել Միացյալ Նահանգների մայրաքաղաքում՝ Վաշինգտոնում^[3]։ 2008 թվականին էլ ստացել է Ավստրիայի կառավարության դրամաշնորհը՝ Գրացի համալսարանում գիտահետազոտական աշխատանք կատարելու համար^[4]։

Դրագանան հրավիրյալ հեղինակի կարգավիճակով զանազան ծրագրերի է մասնակցել Նյու Յորքում, Վիեննայում, հունգարական Պեչում... Նա մասնակցել է նաև ՅՈՒՆԵՍԿՕ-ի նախաձեռնությամբ Հունաստանի Հռոդոս քաղաքում անցկացված միջերկրածովյան երկրների կին արվեստագետների առաջին միջազգային ֆորումին^[5], Բոլոնիայի 2011 թ. գրքի տոնավաճառին, Բրատիսլավայի պատկերազարդման 23-րդ բիենալեին...

Դրագանայի թատերգությունները բեմադրվել և բեմադրվում են բալկանյան գրեթե բոլոր երկրներում։ Նրա պիեսներից չորսը երաշխավորվել են Չեռնոգորիայի և Հյուսիսային Մակեդոնիայի դպրոցական ծրագրերում ներառվելու համար։ Կին գրողի երկերը հրատարակվել են հեղինակավոր ամսագրերում։ 2008-2018 թվականներին նա տասն անգամ առաջադրվել է Աստրիդ Լինդգրենի անվան մրցանակի^[6]։ Նրա Մանիտո լճի ջինը գիրքը ներկայացվել է «Սպիտակ ագռավ» մրցանակի^[7][8]։ Դրագանա Կրշենկովիչ Բրկովիչի հեքիաթների հիման վրա են նկարահանվել Hozentarus (2018)^[9] և Կախարդական բանալին (2020) գեղարվեստական ֆիլմերը^[10]։

Կրշենկովիչ Բրկովիչն արդեն հրատարակել է երեք վեպ, պատմվածքների երկու ժողովածու^[11], թատերգությունների մեկ ժողովածու, երկու մենագրություն, մանկական մի շարք գրքեր^[12]։

• Atelanska igra
• Izgubljeni pečat
• Vatra u Aleksandriji
• Iza nevidljivog zida
• Gospodarska palata

• Tajna jedne Tajne 
• Modra planina
• Muzičar s cilindrom i cvetom na reveru
• Tajna jedne Tajne
• Duh Manitog jezera
• Tajna plavog kristala

• Poetika prolaznosti: Organizacija vremena u „Ranim jadima“ Danila Kiša
• Onirizam Edgara Alana Poa i egzistencijalni nemir Alise Ostrajker
• Feministička revizija mitologije: Razbijanje patrijarhalnih obrazaca identifikacije žene u klasičnim bajkama
• Zaboravljeno putovanje – tragovi utisnuti u bajkama

• Պաշտոնական կայքէջը(չաշխատող հղում)