Նորավան (Արմավիրի մարզ)
Contributors to Wikimedia projects
Article Images
Նորավան (Արմավիրի մարզ)
գյուղ Հայաստանի Արմավիրի մարզում
Նորավան , գյուղ Հայաստանի Արմավիրի մարզում, Արմավիրի տարածաշրջանում, մարզկենտրոնից գտնվում է 2 կմ հեռավորության վրա։ Նախկինում եղել է Լուկաշին ավանի մեջ՝ կազմելով վերջինիս տեղամասը։
| Գյուղ | |
|---|---|
| նորավան | |
| Երկիր |  Հայաստան |
| Մարզ | Արմավիրի |
| Շրջան | Արմավիրի տարածաշրջան |
| Գյուղ | Արմավիրի մարզ |
| Գյուղապետ | Արթուր Միքայեկյան |
| Մակերես | 4.2 կմ² |
| ԲԾՄ | 870 մ |
| Պաշտոնական լեզու | Հայերեն |
| Բնակչություն | 962 մարդ (2001) |
| Խտություն | 229 մարդ/կմ² |
| Ազգային կազմ | Հայեր |
| Կրոնական կազմ |  Հայ Առաքելական եկեղեցի |
| Տեղաբնականուն | նորավանցի |
| Ժամային գոտի | UTC+4 |
| Հեռախոսային կոդ | +374 (237)[1] |
| Փոստային ինդեքս | 0907[2] |
Error: Must specify an image in the first line.
| |
Գյուղը տեղադրված է Միջինարաքսյան հարթավայրում, ծովի մակարդակից ունի 870 մ բարձրություն։ Կլիման չոր խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -3-ից - 5 °C։ Ամառը տևական է՝ մայիսից մինչև հոկտեմբեր, օդի միջին ամսական ջերմությունը հասնում է 24 °C-ից 26 °C, իսկ առավելագույնը՝ 42 °C։ Հաճախ լինում են խորշակներ, որոնք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսանապատներ են, որոնք ոռոգման ընթացքում վեր են ածվել կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։
Գյուղի բնակչությունը տեղափոխվել է նույն շրջանի գյուղերից։ Ըստ ազգային վիճակագրական ծառայության տվյալների 2005 թ-ին համայնքն ունեցել է 1400 առկա բնակիչ, որից տղամարդիկ կազմում են 48%, կանայք՝ 52%։ Ըստ տարիքային կազմի բնակչությունը բաշխված է հետևյալ կերպ. մինչաշխատունակներ՝ 20%, աշխատունակներ՝ 66%, հետաշխատունակներ՝ 14%։ Գյուղն ունի 230 առկա տնտեսություն։ Ունի դպրոց, գրադարան, բուժկետ, կապի հանգույց։
Նորավանի ազգաբնակչության փոփոխությունը.[3]
| Տարի | 1959 | 1970 | 1981 | 2001 | 2004 |
|---|---|---|---|---|---|
| Բնակիչ | 286 | 559 | 653 | 962 | 1700 |
Գյուղատնտեսական հողահանդակները ոռոգվում են Արմավիրի Մայր ջրանցքի ջրերով։ Գյուղատնտեսական հողահանդակներում մեծ բաժին ունեն վարելահողերը (168 հա), կան պտղատու և խաղողի այգիներ (28 հա)։ Պետական հողերը գլխավորապես օգտագործվում են որպես վարելահողեր՝ կազմելով 41հա։ Զբաղվում են այգեգործությամբ, պտղաբուծությամբ, դաշտավարությամբ, բանջարաբոստանային կուլտուրաների մշակությամբ, անասնապահությամբ։
Համայնքի հիմնախնդիրների մեջ գլխավորը ոռոգման ջրի հարցն է և ոռոգման, խմելու ջրի ջրագծերի, գյուղամիջյան ճանապարհների վերանորոգումը, դպրոցաշինության հարցը։ Կարևորվում է նաև գյուղտտնտեսական մթերքների իրացումը։
- Էջը Արմավիրի մարզպետարանի կայքում(չաշխատող հղում)
- Համայնքի ղեկավարի Էջը Արմավիրի մարզպետարանի կայքում(չաշխատող հղում)
- ↑ ՀՀ մարզերի կոդեր(չաշխատող հղում)
- ↑ Code database of Armenia, Արմավիր
- ↑ «Հայաստանի հանրապետության բնակավայրերի բառարան, էջ 152» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2015 Մարտի 27-ին.