Ռենե Ֆլեմինգ

Ռենե Ֆլեմինգ (անգլ.՝ Renée Fleming, փետրվարի 14, 1959^{[1][2][3][…]}, Ինդիանա, Փենսիլվանիա, ԱՄՆ), ամերիկացի օպերային երգչուհի, քնարերգական (լիրիկական) սոպրանո։ Հանդես է եկել աշխարհի հայտնի օպերային թատրոններում (Լա Սկալա, Քովենտ Գարդեն, Գլայնդբորն, Մետրոպոլիտեն օպերա և այլն)։ Առավել հայտնի է Մոցարտի, Ռիխարդ Շտրաուսի և Վերդիի օպերաներում գլխավոր դերերգերի կատարմամբ։

Ռենե Ֆլեմինգ
Բնօրինակ անուն	անգլ.՝ Renée Fleming
Ծնվել է	փետրվարի 14, 1959[1][2][3][…] (65 տարեկան) Ինդիանա, Փենսիլվանիա, ԱՄՆ
Երկիր	ԱՄՆ
Ժանրեր	օպերա
Մասնագիտություն	օպերային երգչուհի և երաժիշտ
Երգչաձայն	սոպրանո
Լեյբլ	Դեկա Ռեկորդս
Կրթություն	Ջուլիարդ դպրոց և Իսթմանի երաժշտական դպրոց
Անդամակցություն	Արվեստների և գիտությունների ամերիկյան ակադեմիա
Պարգևներ	Ֆուլբրայթի ծրագիր Հարվարդի համալսարանի պատվավոր դոկտոր [4] Echo Klassik մրցանակ «Տարվա երգիչ» անվանակարգում Richard Tucker Award? և Classic Brit Awards?
Կայք	reneefleming.com
Renée Fleming Վիքիպահեստում

2008 թվականին արժանացել է «Մուզա» մրցանակի^[5]։

Ռենե Ֆլեմինգը ծնվել է 1959 թվականի փետրվարի 14-ին ԱՄՆ-ի Փենսիլվանիա նահանգի Ինդիանա քաղաքում, երաժիշտների ընտանիքում։ Սովորել է Իսթմենյան երաժշտական դպրոցում։

Դեբյուտը կայացել է 1986 թվականին («Առևանգում հարեմից», Մոցարտ)։ Ռենե Ֆլեմինգի միջազգային կարիերայի սկիզբը դրվել է 1996 թվականին՝ սկավառակի ձայնագրմամբ։ Մասնակցություն է ունեցել տարբեր մրցանակաբաշխություններում։

• Բացի Ռենե Ֆլեմինգից Պոկիարյան երաժշտական մրցանակ է ստացել նաև Pink Floyd ռոք-խումբը (2008 թվական)։ Ռենե Ֆլեմինգը իր հերթին, շատ լավ ծանոթ է Pink Floyd-ի երաժշտությանը^[6]։
• Ի պատիվ Ռենե Ֆլեմինգին են անվանվել ֆրանսիական «La Voce» օծանելիքը և ամերիկյան «La Diva Renee» աղանդերը։
• Ռենե Ֆլեմինգը 2003 թվականին մասնակցություն է ունեցել «Մատանիների տիրակալը. Արքայի վերադարձը» ֆիլմի սաունդթրեքի ձայնագրման աշխատանքում։
• Ռենե Ֆլեմինգը շատ երգեր է կատարել «Մատանիների տիրակալ» և «Հոբիթ» ֆիլմերի երաժշտական մասերը ապահովելու համար։