T. Rex


Учесници на Викимедиини проекти

Article Images

T. Rex (транскрипција: Ти Рекс; основан под името Tyrannosaurus Rex) ― англиска рок-група основана во Лондон во 1967 од кантавторот и гитарист Марк Болан, кој бил нејзин водач, фронтмен и единствен постојан член. На почетокот групата се поврзувала со психоделична фолк-музика, но во 1969 година Болан почнал да го менува стилот на групата во електричен рок и следната година го скратил името во T. Rex. Во 1970 година го имале првиот значаен хит-сингл „Ride a White Swan“, а набрзо групата станала пионер на глам-рок движењето.

T. Rex

T. Rex за време на врвот на популарноста (од лево на десно): Бил Леџенд, Мики Фин, Марк Болан, Стив Кари

Животописни податоци
Познат(а) и како
  • Tyrannosaurus Rex
  • Marc Bolan & T. Rex
ПотеклоЛондон, Англија
Жанрови
Период на активност1967–1977
Издавачи

Од 1970 до 1973 година, T. Rex биле исклучително популарни во Обединетото Кралство каде што имале низа од единаесет синглови кои се пласирале во топ-10, а четири од нив се искачиле на прво место: „Hot Love“, „Get It On“, „Telegram Sam“ и „Metal Guru“. Албумот „Electric Warrior“ (1971) бил пофален од критиката, стигнал до прво место во Обединетото Кралство и станал значаен албум во глам-рок жанрот. Следниот албум, The Slider (1972), се пласирал во топ-20 во САД. Во 1973 година групата го издала албумот Tanx кој содржел елементи на соул, фанк и госпел-музика. Албумот стигнал до топ-5 во неколку земји. Од 1974 година, популарноста на T. Rex почнала да опаѓа, но групата продолжила да издава албуми. Нивните следни изданија биле спој на рок со ритам и блуз, а понекогаш дури и со диско-музика.

Во 1977 година, неколку месеци по објавувањето на последниот студиски албум на групата Dandy in the Underworld, единствениот постојан член на групата Болан загинал во сообраќајна несреќа и групата се распаднала. Групата била примена во Куќата на славните на рокенролот во 2020 година.[1]

Како Tyrannosaurus Rex

  • My People Were Fair and Had Sky in Their Hair... But Now They're Content to Wear Stars on Their Brows (1968)
  • Prophets, Seers & Sages: The Angels of the Ages (1968)
  • Unicorn (1969)
  • A Beard of Stars (1970)

Како T. Rex

  • T. Rex (1970)
  • Electric Warrior (1971)
  • The Slider (1972)
  • Tanx (1973)
  • Zinc Alloy and the Hidden Riders of Tomorrow (1974)
  • Bolan's Zip Gun (1975)
  • Futuristic Dragon (1976)
  • Dandy in the Underworld (1977)

Последна постава

  • Марк Болан – главна/ритам-гитара, водечки вокал (јули 1967 - септември 1977; до неговата смрт), исто така клавијатури (јануари 1969 – септември 1970) и бас (јануари 1969-септември 1970, април 1976-август 1976)
  • Дино Дајнс - клавијатури (јануари 1974 – септември 1977; починал во 2004)[2]
  • Тони Њуман – тапани, удирачки инструменти (август 1976 – септември 1977)[3]
  • Херби Флауерс – бас (август 1976 – септември 1977; починал во 2024) [4]
  1. ↑ „Class of 2020“. Rock and Roll Hall of Fame. Посетено на 15 January 2020.
  2. ↑ „THE DINO DINES Q&A“. www.tilldawn.net. Посетено на 2023-02-14.
  3. ↑ „Interview with Tony Newman“. www.tilldawn.net. Посетено на 2023-02-14.
  4. ↑ „Herbie Flowers Q&A“. www.tilldawn.net. Посетено на 2023-02-14.