Article Images
തങ്കശ്ശേരി വിളക്കുമാടം
കൊല്ലം ജില്ലയിലെ തങ്കശ്ശേരി ഗ്രാമത്തിൽ സ്ഥിതി ചെയ്യുന്ന വിളക്കുമാടമാണു് തങ്കശ്ശേരി വിളക്കുമാടം. 144 അടി ഉയരമുളള ഈ വിളക്കുമാടം കേരളത്തിലെ ഏറ്റവും ഉയരമുള്ള വിളക്കുമാടമാണു്. ആദ്യകാലത്ത് മണ്ണെണ്ണ വിളക്കിൽ ജ്വലിച്ചിരുന്ന ഈ വിളക്കുമാടം ഇപ്പോൾ വൈദ്യുതി ഉപയോഗിച്ചാണു് പ്രകാശിപ്പിക്കുന്നത്. വിളക്കുമാടത്തിലെ വെളിച്ചം 13 മൈൽ ദൂരെനിന്നു വരെ കാണാൻ കഴിയും എന്നതിനാൽ കപ്പലുകൾക്കും മൽസ്യബന്ധന ബോട്ടുകൾക്കും ദിശയറിയാൻ സാധിക്കുന്നു. കുത്തബ് മിനാറിലെപ്പോലെ പിരിയൻ ഗോവണി കയറിവേണം വിളക്കുമാടത്തിൻറെ മുകളിലെത്താൻ.
[[File: | |
| തങ്കശ്ശേരി വിളക്കുമാടം | |
| Location | തങ്കശ്ശേരി, കൊല്ലം,കേരളം |
|---|---|
| Coordinates | 08°52.837′N 76°33.959667′E / 8.880617°N 76.565994450°E |
| Year first lit | 1902 |
| Tower shape | സിലിണ്ടർ ആകൃതി |
| Height | 41 മീറ്റർ |
| Range | 13 മൈൽ (20 കിലോമീറ്ററുകൾ) |
| Characteristic | 15സെക്കന്റിൽ ഒരിക്കൽ (400 വാട്ടിന്റെ മെറ്റൽ ഹാലൈഡ് ബൾബ്) |
ഭാരത സർക്കാരിന്റെ നിയന്ത്രണത്തിലുളള ഇവിടെ ഇടക്കാലത്ത് സന്ദർശകരെ നിരോധിച്ചിരുന്നു. എന്നാൽ ഇപ്പോൾ സന്ദർശകരുടെ മേലുളള വിലക്കുകൾ നീക്കിയിട്ടുണ്ട്. പോർച്ചുഗീസുകാരുടെയും ഡച്ചുകാരുടെയും ഇംഗ്ലീഷുകാരുടെയും പ്രതാപൈശ്വര്യങ്ങൾ കണ്ടറിഞ്ഞ തങ്കശ്ശേരിയിലേയ്ക്ക് ഇപ്പോൾ സന്ദർശകരെ ആകർഷിക്കുന്ന പ്രധാന ഘടകം വിളക്കുമാടത്തിൻറെ പ്രഭാവലയം തന്നെ.
1902 ൽ നിർമ്മിച്ച ഇത് 38 വർഷത്തിനുശേഷം ഇന്ത്യൻ ലൈറ്റ് ഹൗസിലെ ചീഫ് എഞ്ചിനീയറുടെ നേതൃത്വത്തിൽ പുതുക്കിപ്പണിതു.
- വെളിച്ച സ്രോതസ്സ് - 400 വാട്ടിന്റെ മെറ്റൽ ഹാലൈഡ് ബൾബ്
- വൈദ്യുതി സ്രോതസ്സ് 440 വോൾട്ട് 50 ഹെർട്ട്സ്/ജനറേറ്റർ സംവിധാനം ലഭ്യമാണ്‌
- വിളക്കുമാടത്തിന്റെ ഉയരം 41 മീ
- പ്രകാശ ജ്വലനം 15സെക്കന്റിൽ ഒരിക്കൽ.
- കാണാവുന്ന ദൂരം - 13മൈൽ അഥവാ 20 കിലോമീറ്റർ അകലെ നിന്നും നഗ്നനേത്രങ്ങൾ കൊണ്ട് വിളക്ക് ദൃശ്യമാണ്‌
ഭാരതത്തിലെ വിളക്കുമാടങ്ങളൂടെ കാര്യാലയ സൈറ്റ് Archived 2010-12-19 at the Wayback Machine.