టెక్కలి

టెక్కలి, ఆంధ్ర ప్రదేశ్ రాష్ట్రంలోని శ్రీకాకుళం జిల్లాలో టెక్కలి మండలానికి చెందిన గ్రామం, జనగణన పట్టణం. జిల్లా ప్రధాన పట్టణం శ్రీకాకుళం నుండి టెక్కలి 50 కి.మి దూరములో ఉత్తరాన ఉంది. ఆంధ్రప్రదేశ్ మాజీ ముఖ్యమంత్రి స్వర్గీయ ఎన్.టి.రామారావు ఈ నియోజకవర్గంనుండి పోటీ చేసి గెలిచారు, రాష్ట్ర శాసన సభకి ఎన్నిక అయ్యారు. జిల్లాలో ఉన్న 3 డివిజన్లలో ఇది ఒకటి, ఇది డివిజన్ కేంద్రం, శాసనసభ నియోజకవర్గం.

టెక్కలి
రెవెన్యూ గ్రామం
టెక్కలి
అక్షాంశ రేఖాంశాలు: 18°37′0.1″N 84°13′59.9″E / 18.616694°N 84.233306°E
దేశం	భారతదేశం
రాష్ట్రం	ఆంధ్రప్రదేశ్
జిల్లా	శ్రీకాకుళం
మండలం	టెక్కలి
జనాభా  (2011)[1]	28,631
అదనపు జనాభాగణాంకాలు
• పురుషులు	13,934
• స్త్రీలు	14,697
• లింగ నిష్పత్తి	1,055
• నివాసాలు	6,995
ప్రాంతపు కోడ్	+91 ( )
2011 జనగణన కోడ్	581009

టెక్కలి ప్రాంతం 1816 నుండి 1832 వరకు పర్లాకిమిడిరాజు గణపతి పద్మనాభదేవ్ పాలనలో వుండేది. అతని కుమారులు ఆ రాజ్యాన్ని రెండుగా విభజించి టెక్కలిని గోవిందనాథ్ దేవ్ నంది గాంను కృష్ణ చంద్ర దేవ్ లు పాలించారు. టెక్కలి పాలకుడు గోవింద నాథ్ దేవ్ తన కుమార్తెకు వివాహం జరిపించినప్పుడు పసుపు కుంకుమల క్రింద టెక్కలి గ్రామాన్ని దారా దత్తం చేశాడు. టిక్లి అనగా ఒడియాలో పసుపు కుంకుమల బుట్ట అని అర్థం అలా ఆ గ్రామాన్ని టిక్లి అని పిలిచేవారు. కాల క్రమంలో అది టెక్కలిగా రూపాంతరం పొందింది. (తెలుగు వెలుగు 2008 అక్టోబరు/పుట 97)

టెక్కలి 18.6167°N 83.2333°E వద్ద ఉంది .  ఇది సగటున 27 మీటర్లు (91 అడుగులు) ఎత్తులో ఉంది. ఇది 275 చదరపు మైళ్ల వైశాల్యంతో బంగాళాఖాతం తీరంలో ఉంది .

సమీప విమానాశ్రయం విశాఖపట్నం, ఇది 150 కి.మీ దూరంలో ఉంది. జాతీయ రహదారి 5 (చెన్నై - కోల్‌కతా) పట్టణం గుండా వెళుతుంది. ఇది సమీప పట్టణాలైన నందిగాం, పలాస, మెళియాపుట్టి, చాపర, సోంపేట, మందస, కవిటి, ఇచ్ఛాపురం, నరసన్నపేట, పాతపట్నం, పర్లాకిమిడి, జిల్లా కేంద్రమైన శ్రీకాకుళంతో అనుసంధానించబడి ఉంది. టెక్కలి శ్రీకాకుళం ప్రధాన కార్యాలయానికి 50 కి.మీ దూరంలో ఉంది.

టెక్కలిలో రైల్వే స్టేషన్ ఉంది. సమీపంలోని మరో రైల్వే స్టేషన్ నౌపడ వద్ద నౌపడ జంక్షన్ (NWP) అని పిలువబడుతుంది. నౌపడ జంక్షన్ టెక్కలి నుండి 4 కి.మీ దూరంలో ఉంది, ఆటోరిక్షాలు, ప్రైవేట్ బస్సు సర్వీసుల ద్వారా చేరుకోవచ్చు.

ది ఇంపీరియల్ గెజిటీర్ ఆఫ్ ఇండియా ప్రకారం, 1901లో టెక్కలి మద్రాసు ప్రావిన్స్‌లోని గంజాం జిల్లాలో జమీందారీ తహశీల్‌గా ఉన్నారు .

ప్రాథమిక, మాధ్యమిక పాఠశాల విద్య ఆంధ్రప్రదేశ్ రాష్ట్ర పాఠశాల విద్యా శాఖ క్రింద ప్రభుత్వ, ప్రభుత్వ-సహాయక ప్రైవేట్ పాఠశాలల ద్వారా ప్రారంభించబడింది .  వివిధ పాఠశాలలు అనుసరించే బోధనా మాధ్యమం ఆంగ్లం, తెలుగు. జూనియర్ కాలేజీ లు, డిగ్రీ కాలేజీ, ఇంజనీరింగ్ కాలేజీలు ఉన్నాయి

• కేసిరాజు శ్రీనివాస్
• కన్నేపల్లి చలమయ్య - కథారచయిత.

• సంఖ్యా పరంగా 3వ శాసనసభ స్థానం.
• ఎన్.టి.రామారావు పోటీ చేసిన ఘనత ఉంది.