బరువు

భారము ఒక కొలమానము. భౌతిక శాస్త్రం ప్రకారం, ఒక వస్తువు పై గల గురుత్వాకర్షణ బలాన్ని "భారము" లేదా "బరువు" అంటారు. వస్తువు బరువు దాని ద్రవ్యరాశి, గురుత్వ త్వరణాల లబ్ధానికి సమానం. 'm' ద్రవ్యరాశి గల వస్తువుపై, 'g' గురుత్వ త్వరణం కలగజేసే భారం W=mg అవుతుంది. ఇది ప్రదేశాన్ని బట్టి మారుతుంది. ఒక కిలోగ్రాము ద్రవ్యరాశి గల వస్తువు భారం భూమిపై సాధారణంగా 9.8 న్యూటన్లు ఉంటుంది. భారం అంటే వస్తువుపై గురుత్వాకర్షణ బలం కావున దీని ప్రమాణాలు బలం ప్రమాణాలతో సమానంగా ఉంటుంది. భారమునకు దిశ ఉంటుంది. కాబట్టి, భారం సదిశ రాశి

సూత్రము

 ,

m అనగా వస్తువు ద్రవ్యరాశి , g అనగా గురుత్వ త్వరణం ప్రమాణాలు

• సి.జి.యస్ పద్ధతిలో "డైన్" లేదా " గ్రాం భారం"
• ఎస్.ఐ పద్ధతిలో " న్యూటన్" లేదా "కిలో గ్రాం భారం"

కొలిచే పరికరము

• స్ప్రింగు త్రాసు

భూమిపై గురుత్వ త్వరణం 9.8 మీ/సె² ఉండును. చంద్రుని పై గురుత్వ త్వరణం 1.67 మీ/సె² ఉండును. ఈ విలువ భూ గురుత్వ త్వరణంలో 1/6 వంతు ఉండును. కనుక చంద్రునుపై వస్తువు భారం భూమిపై వస్తుపు భారంలో 1/6 వంతు ఉండును. ఉదా: ఒక వ్యక్తి బరువు భూమిపై 60 కి.గ్రాం.లు అయిన అదే వ్యక్తి బరువు చంద్రునిపై 10 కి.గ్రా. ఉండును.

భూమిపై గురుత్వ త్వరణం 9.8 మీ/సె² ఉండును. సూర్యుని పై గురుత్వ త్వరణం 274.1 మీ/సె² ఉండును. ఈ విలువ భూ గురుత్వ త్వరణం కన్నా 28 రెట్లు ఎక్కువ ఉండును. కనుక సూర్యునిపై వస్తువు భారం భూమిపై వస్తుపు భారం కన్నా 28 రెట్లు ఎక్కువ ఉండును.

భారమును కొలిచెందుకు స్ప్రింగ్ త్రాసును ఉపయోగిస్తారు. ఈ త్రాసు హుక్ సూత్రము పై ఆధారపడి పనిచేస్తుంది.