మీర్జాపూర్ (ఉత్తర ప్రదేశ్)

మీర్జాపూర్, ఉత్తర ప్రదేశ్ లోని పట్టణం, మీర్జాపూర్ జిల్లాకు ముఖ్యపట్టణం. ఇది ఢిల్లీ, కోల్‌కతా ల నుండి సుమారు 650 కి.మీ., అలహాబాద్ నుండి 84 కి.మీ. దూరంలో ఉంది. ^[4] వారణాసి నుండి 59 కి.మీ. దూరంలో ఉంది.^[5] తివాచీలు, ఇత్తడి సామాను పరిశ్రమలకు మీర్జాపూర్ ప్రసిద్ధి చెందింది. ఈ పట్టణాన్ని కొండలు చుట్టుముట్టి ఉంటాయి. ఇది పవిత్ర పుణ్యక్షేత్రంగా ప్రసిద్ధి చెందింది. వింధ్యాచల్, అష్టభుజ, కాళీ ఖోహ్, దేవరాహ్వా బాబా ఆశ్రమం ఇక్కడి చూడదగ్గ స్థలాలు.

మీర్జాపూర్
పట్టణం
బరియా ఘాట్
మీర్జాపూర్ ఉత్తర ప్రదేశ్ పటంలో పట్టణ స్థానం
Coordinates: 25°08′46″N 82°34′08″E / 25.146°N 82.569°E
దేశం	India
రాష్ట్రం	ఉత్తర ప్రదేశ్
Elevation	80 మీ (260 అ.)
జనాభా  (2011)[1]
• పట్టణం	2,33,691
• జనసాంద్రత	567/కి.మీ2 (1,470/చ. మై.)
• Metro [2]	2,45,817
భాషలు
• అధికారిక	హిందీ[3]
Time zone	UTC+5:30 (IST)
PIN	231001
టెలిఫోన్ కోడ్	05442
లింగనిష్పత్తి	0.903 (2011)

మీర్జాపూర్ 25°09′N 82°35′E / 25.15°N 82.58°E వద్ద ^[6] సముద్ర మట్టం నుండి 80 మీటర్ల ఎత్తున ఉంది.

2011 జనాభా లెక్కల ప్రకారం, మీర్జాపూర్ జనాభా 2,33,691, పట్టణ సముదాయం జనాభా 2,45,817. పట్టణమ్లో 1,000 మంది పురుషులకు 869 మంది స్త్రీలున్నారు. జనాభాలో 11.9% మంది ఆరేళ్ల లోపు పిల్ల్లలు. ఏడేళ్ళ పైబడిన వారిలో అక్షరాస్యత 78.25%; పురుషుల అక్షరాస్యత 83.85%, స్త్రీల అక్షరాస్యత 71.80%.

మీర్జాపూర్‌లో ప్రధాన వ్యాపారం కార్పెట్ తయారీ. చాలా చిన్న తరహా సంస్థల నుండి మధ్య తరహా సంస్థల వరకు ఉన్నాయి. భారతదేశంలో తివాచీల మార్కెట్ పరిమితంగానే ఉన్నందున ఇక్కడ తయారైన తివాచీలు ఎక్కువగా విదేశాలకు ఎగుమతి అవుతాయి. తివాచీల తరువాత ప్రధానమైన వ్యాపారం ఇత్తడి పాత్రల తయారీ.

మీర్జాపూర్ లోని గడియార స్తంభం దాదాపుగా భారత ప్రామాణిక సమయాన్ని లెక్కించే 82.5° తూర్పు రేఖాంశానికి దగ్గరలో 82.57° వద్ద ఉంది (4 కోణీయ నిమిషాల తేడాలో). ఆంధ్రప్రదేశ్ లోని తుని పట్టణం కూడా ఈ రేఖాంశానికి దగ్గర లోనే ఉంది.. ^[7]