వాసు ఇంటూరి

వాసు ఇంటూరి ఒక టీవీ, సినీ నటుడు, దర్శకుడు.^[1] అమృతం సీరియల్లో సర్వం పాత్రతో ప్రేక్షకులకు సుపరిచితుడు. గంగతో రాంబాబు అనే సీరియల్ కు కూడా దర్శకత్వం వహించాడు. అమృతం చందమామలో అనే సినిమాకు దర్శక నిర్మాత గుణ్ణం గంగరాజుతో కలిసి స్క్రిప్టు రచించాడు.^[2]

వాసు స్వస్థలం బాపట్ల. తండ్రి వీఆర్వోగా పనిచేసి పదవీ విరమణ చేశాడు. వాసు బాపట్లలో ఆర్ట్స్ అండ్ సైన్సు కళాశాల నుంచి బీఎస్సీ పట్టా పొందాడు. ఎంసీయే చదవడం కోసం హైదరాబాదుకు వచ్చాడు కానీ సినిమా రంగం మీద ఆసక్తితో మధ్యలోనే వదిలేశాడు.

సుమారు ఆరు సంవత్సరాల పాటు సహాయ దర్శకుడిగా, స్క్రిప్టు రచయితగా పనిచేశాడు. గుణ్ణం గంగరాజు నిర్మించిన అమృతం కార్యక్రమంతో మంచి పేరు తెచ్చుకున్నాడు. 313 ఎపిసోడ్లు పూర్తి చేసుకున్న ఆ సీరియల్ కు సహాయ దర్శకుడిగా, దర్శకుడిగా, స్క్రిప్టు రచయితగా పనిచేశాడు.^[1] అందులో సర్వేశ్వరన్ అలియాస్ సర్వం అనే అమాయకుడైన పనివాడి పాత్రలో కూడా నటించాడు. వాసు నటించిన ఇతర సీరియళ్ళు మై నేం ఈస్ మంగతాయారు, నాన్న (జెమిని టివి), శ్రీకృష్ణావతారాలు, గంగతో రాంబాబు, ఎదురీత మొదలైనవి.

• అనుకోకుండా ఒక రోజు
• అష్టాచెమ్మా
• గోల్కొండ హైస్కూల్
• సాహసం
• చెంబు చిన సత్యం (2015)
• చందమామ కథలు
• అమృతం చందమామలో
• రోజులు మారాయి
• ఐపిసి సెక్షన్ (2018)
• బేవర్స్ (2018)
• అన్నపూర్ణ ఫొటో స్టూడియో (2023)
• ఛాంగురే బంగారు రాజా (2023)
• శ్రీరంగనీతులు (2024)

• రెండురెళ్ళు ఆరు (రచన, నిర్మాణం, దర్శకత్వం)

• ఇంటర్నెట్ మూవీ డేటాబేసు లో వాసు ఇంటూరి పేజీ