సీతారామ జననం

సీతారామ జననం 1944 లోవిడుదలైన తెలుగు హిందూ పౌరాణిక చిత్రం. ఈ చిత్రాన్ని ఘంటసాల బలరామయ్య స్వీయ దర్శకత్వంలో ప్రతిభా ప్రొడక్షన్స్ పతాకంపై నిర్మించాడు. ఇందులో అక్కినేని నాగేశ్వరరావు, త్రిపురసుందరి, వేమూరి గగ్గయ్య, రుష్యేంద్రమణి ప్రధాన పాత్రలలో నటించారు.^[1] సంగీతం ప్రభల సత్యనారాయణ, ఓగిరాల రామచంద్రరావు సంయుక్తంగా స్వరపరిచారు.^[2] హీరోగా ప్రముఖ నటుడు అక్కినేని నాగేశ్వరరావుకూ కోరస్ గాయకుడిగా ఘంటసాలకూ ఇది తొలి చిత్రం. ^[3]

సీతారామ జననం (1942 తెలుగు సినిమా)
సినిమా పోస్టర్
దర్శకత్వం	ఘంటసాల బలరామయ్య
నిర్మాణం	ఘంటసాల బలరామయ్య
తారాగణం	అక్కినేని నాగేశ్వరరావు, ఋష్యేంద్రమణి, వేమూరి గగ్గయ్య
సంగీతం	ప్రభల సత్యనారాయణ, ఓగిరాల రామచంద్రరావు
నేపథ్య గానం	వేమూరి గగ్గయ్య, ఋష్యేంద్రమణి
నృత్యాలు	వేదాంతం రాఘవయ్య
గీతరచన	బలిజేపల్లి లక్ష్మీకాంతం
నిర్మాణ సంస్థ	ప్రతిభ పిక్చర్స్
భాష	తెలుగు

రావణుడు (వేమూరి గగ్గయ్య) ముల్లోకాలనూ జయించడంతో ఈ సినిమా మొదలౌతుంది.. తన ప్రయాణంలో ఒకసారి, అతను రంభ (సౌదామిని) అందానికి ఆకర్షితుడై ఆమెను వేధిస్తాడు. అది తెలిసిన నలకూబరుడు, ఏ స్త్రీనైనా ఆమె ఇష్టానికి వ్యతిరేకంగా అతడు కోరితే, అతడు దగ్ధమై పోతాడని శపిస్తాడు. ఇదేమీ పట్టించుకోని అతని క్రూరత్వం శిఖర స్థాయికి చేరినపుడు, దేవతలందరూ విష్ణువును ప్రార్థించగా, ఆ రాక్షసుడి బాధను తొలగిస్తానని వారికి అభయమిస్తాడు. ఇంతలో, లక్ష్మీదేవి భూమిపై వేదవతి (చంద్రకళ) గా జన్మించింది. ఒక దశలో, రావణుడు ఆమెను మోహించగా, అతడి వంశనాశనానికి కారణమయ్యే వ్యక్తిగా తిరిగి జన్మిస్తానని చెప్పి ఆమె ఆత్మ త్యాగం చేసుకుంటుంది. ఆ తరువాత, వేదవతి లంకలో జన్మిస్తుంది. మందోదరి (కామాక్షి) భయపడి, ఆ శిశువును ఒక పెట్టెలో పెట్టి సముద్రంలో వదిలేస్తుంది. చివరికి, దశరథుడు (T. వెంకటేశ్వర్లు), అయోధ్య రాజు సంతానం కోసం తన ముగ్గురు భార్యలతో పుత్రకామేష్ఠి చేస్తాడు. విష్ణువు, ఆదిశేషుడు, శంఖ, చక్రాల అంశలతో అతడికి నలుగురు కుమారులు జన్మిస్తారు, వాళ్ళే రాముడు, లక్ష్మణ, భరత, శత్రుఘ్నుడు.

సమాంతరంగా, మిథిల రాజు జనకుడు (పారుపల్లి సుబ్బారావు) నేలను దున్నుతూండగా నేలలో ఆడశిశువుతో ఉన్న పెట్టె కనిపిస్తుంది. అ బిడ్డకు సీత అని పేరుపెట్టి పెంచుకుంటాడు. సమయం గడిచిపోతుంది. విశ్వామిత్ర మహర్షి (బలిజేపల్లి లక్ష్మీకాంతం) వచ్చి తన యాగ రక్షణ కోసం రాముడిని (అక్కినేని నాగేశ్వరరావు), లక్ష్మణునీ (బిఎన్ రాజు) పంపమని కోరుతాడు. ఈ క్రతువులో విశ్వామిత్రుడూ వారికి శక్తివంతమైన శస్త్రాస్త్రాలను అందిస్తాడు. దీని ద్వారా తాటకి & మారీచా సుబాహులనూ నాశనం చేస్తారు. యాగం ముగుస్తుంది. జనకుడు సీతకు స్వయంవరం ప్రకటించిన సంగతి తెలిసి, విశ్వామిత్రుడు రామ లక్ష్మణులతో పాటు మిథిలకు వెళ్తాడు. దారిలో, రాముడు అహల్యకు శాపవిమోచనం కలిగిస్తాడు. స్వయంవరంలో, శివుని విల్లును ఎక్కుపెట్టడం సవాలు. రావణుడు కూడా ఆహ్వానం లేకుండా వస్తాడు కాని విల్లును ఎక్కుపట్టలేకపోతాడు. అప్పుడు, రాముడు విల్లును ఎక్కుపెట్టగా అది విరిగిపోతుంది అది తెలుసుకుని, కోపంతో పరశురాముడు (మళ్ళీ వేమూరి గగ్గయ్య) మిథిల వద్ద దిగి రాముడిని ఎదుర్కుంటాడు. తరువాత, రాముడు తన సొంత పునర్జన్మగా గుర్తించి, వెనక్కి వెళ్ళిపోతాడు. చివరగా, సీతా రాముల అద్భుతమైన కళ్యాణంతో ఈ చిత్రం ముగుస్తుంది.

• రూపవాణిలో ఈ సినిమా గురించి^{[permanent dead link]}

1. ↑ The Hindu, Cinema (25 February 2012). "Blast From The Past: Sri Sita Rama Jananam (1944)" (in Indian English). M.L. Narasimham. Archived from the original on 18 September 2019. Retrieved 29 September 2020.
2. ↑ "Blast From The Past: Sri Sita Rama Jananam (1944)". Kasturi and Sons. Retrieved 23 July 2016.
3. ↑ "Archived copy". Retrieved 2012-02-19.